CIRCUITO PERMANENTE

CIRCUITO PERMANENTE DE ORIENTACIÓN NO PEDROSO

Hai seis circuitos, tres que poden considerarse de iniciación e tres deseñados para aquelas persoas que contan cuns coñecementos mínimos de orientación e que figuran coa denominación de "avanzado". O mapa dun dos percorridos da categoría "avanzado" ten ocultos os camiños, a estrada que sube ao Pedroso e a liña eléctrica de alta tensión.

A saída e a chegada están situadas na esquina sur do edificio de madeira que hai na Granxa do Xesto:

Granxa do Xesto             Coordenadas:    42.893515       -8.560597

Quen se inicie nesta práctica deportiva é bo que leve co mapa a lenda e a simboloxía dos elementos de control que pode descargar tamén desde este blog.

En cada punto de control atópase unha tarxeta coma esta na que figura o código do control:

Tarxeta dos puntos de control


DESCARGAS: mapas, descrición dos controis e lenda

IMPORTANTE:

Os mapas están debuxados a escala 1/7500, equidistancia 5 m. Para que a escala non varie cando se impriman é necesario marcar a opción "imprimir a tamaño real" 


A vexetación non se revisa polo que en determinadas zonas pode variar moito respecto do que figura no mapa.



  O CIRCUITO PERMANENTE QUEDA PECHADO ATA O 30 DE ABRIL DO 2020 


ATENCIÓN:
  •  A vexetación non está actualizada porque varía moito ao longo do tempo que está instalado o circuito. Ademais hai actuacións esporádicas de brigadas que limpan o monte e de madeiristas. 
  • Nalgunhas zonas hai toxos e silvas que ainda que non sexan moi altos poden resultar molestos na parte baixa das pernas polo que se recomenda o uso de pantalón longo e en sitios excepcionais polainas.
  • No Pedroso hai camiños de descenso de bicicletas que figuran no mapa debuxados como carreiros (carril estreito, liñas finas de tramos longos). É necesario extremar a precaución cando se vai por eles ou se atravesan.
  • É recomendable empregar un calzado con sola forte.
  • Para que o mapa non se estropee é aconsellable levalo dentro dunha funda de plástico.
  • Todos os participantes actúan baixo a súa propia responsabilidade.




Os participantes deben ser respectuosos co medio natural tratando de que o seu paso polo monte sexa inapreciable.

Se queres contactar con nós: orientacionusc@gmail.com

0 comentarios:

Publicar un comentario

Nota: solo los miembros de este blog pueden publicar comentarios.