OS MAPAS

Os mapas que se empregan nas carreiras de orientación están deseñados específicamente para realizar esta actividade. Para poder interpretalos é necesario coñecer o significado das cores e símbolos que aparecen neles.

                                    MAPA DE O PEDROSO CON PERCORRIDO

Poden aparecer dez cores, que se interpretan dacordo co seguinte esquema

AMARELO:                  Terreos abertos como campos, prados, céspede

VERDE:                         Vexetación densa. O terreo é difícil de atravesar.

ROSA/VERMELLO:     Elementos temporais, marcas e símbolos dos percorridos.

BRANCO:                      Bosque con boa penetrabilidade, carreira fácil.

MARRÓN CLARO:      Superficies pavimentadas ou de grava (patios escolares, estradas,...)

MARRÓN:                     Cotos, fosos, depresións, ...

AZUL:                            Auga (lagos, ríos, fontes, zonas pantanosas, ...)

GRIS:                              Marquesiña, afloramento rochoso.

NEGRO:                         Rochas, accidentes rochosos e elementos feitos polo home (camiños, pontes,                                            edificios, ...)

Aquí podes descargar a simboloxía dos mapas de monte

DESCARGA LENDA ORIENTACIÓN MONTE

                                                  SIMBOLOXÍA MAPAS DE ORIENTACIÓN

As curvas de nivel serven para coñecer o desnivel existente, cales son zonas de subida e cales de baixada. Nos mapas de monte a equidistancia entre curvas é de 5 m e en mapas de sprint de 2,5 m. Canto máis próximas se atopen as curvas maior será a pendente.

Aquí tés un exercicio para relacionar formas do terreo coas curvas correspondentes:

Se queremos usar un mapa debemos coñecer a súa escala para deducir a distancia que deberemos recorrer para chegar ao control. As escalas máis usadas en orientación son 1/15000 e 1/10000 para as carreiras de monte, excepcionalmente 1/7500. Na modalidade sprint úsase a escala 1/4000.